Arestado ang isang investor at isang empleyado ng isang airline sa Dubai sa salang pagbibigay ng pekeng resulta ng COVID-19 PCR test.
Ayon sa imbestigasyon at mga pahayag, tinanong ng isang empleyado ng airline ang naturang 32-anyos na investor para magpakita ng negatibong resulta ng PCR test dahil ang nauna nitong pinakita ay expired na.
RELATED STORY: Stop COVID-19 Fake News
Nang makabalik ang investor matapos ang kalahating oras ay nagpakita ito ng kanyang panibagong resulta. Pero nang sinuri ng mga otoridad – nalaman na peke ang binigay ng taong ito.
Napagalaman ng mga otoridad na pinalitan lamang ang petsa sa papel ng investor ng isang 38-anyos na empleyado ng airline.
Sa ngayon ay nasa kustodiya na ng mga otoridad ang dalawang taong nagkasala habang hinihintay ang kanilang paglilitis.
READ ON: Six tourists arrested in Boracay for fake COVID-19 tests
