Isang maswerteng mananaya sa Pampanga ang nakasungkit ng PHP69-million jackpot prize ng Super Lotto 6/49 nitong Huwebes ng gabi, ayon sa Philippine Charity Sweepstakes Office (PCSO).
Ito na ang ika-limang pagkakataon sa buwang ito na may nakasungkit ng lotto jackpot prize.
Tinamaan ng lucky better ang kombinasyong 13-28-07-31-34-24.
Ayon sa PCSO, sa Porac, Pampanga tumaya ang maswerteng nanalo.
Samantala, 35 iba pa ang nakatyempo ng lima sa 6-digit combination. Mag-uuwi sila ng tig-PHP50,000.
Nito lang Martes, isang taga Las Piñas naman ang nanalo rin ng PHP8 million Lotto jackpot.
