Editor's ChoiceLatest News

Stranded Pinoy sa Dubai, nakahanap ng alternatibong byahe para makauwi sa Pinas

Halos kahalating milyong piso ang nagastos ng isang organisasyon para mapauwi ang isa nilang miyembro na na-stranded Dubai mula nitong Mayo.

Lumipad sa Dubai noong May 11 si Engr. Allan Alvarez, national president ng Institute of Integrated Electrical Engineers of the Philippines (IIEE), para dumalo sa kanilang conference.

Ang dapat sana’y anim na araw lang na pananatili doon, naging halos animnapung araw.

Nakauwi lang sya sa Pilipinas nitong July 6 at ngayon ay sumasailalim na sa 15-day mandatory quarantine.

May 15 noong unang ipatupad ng Pilipinas ang travel ban sa UAE at ilan pang mga bansa.

Ayon sa Pinoy engineer, sinubukan ng kanilang organisasyon na i-rebook ang kanyang ticket. Pero July na ang pinakamaagang flight noon na pwedeng makuha.

Dahil dito, napilitan silang kunan sya ng panibagong plane ticket. Pero kaakibat nito ang panibago na namang gastos.

Noong June 3 sana sya nakatakdang lumipad pabalik ng Pilipinas, pero nagbababa ng desisyon ang COVID-19 Inter-Agency Task Force na extended ang travel hanggang June 15.

Sa pagkakataong ito, naghanap na sila Allan ng ibang ruta.

Mula June 3, naglagi ang Pinoy engineer sa Armenia. Kinailangan nyang manatili doon sa loob ng 15 araw para payagan syang makapasok sa Pilipinas.

Tatlong mga bansa ang dinaanan ni Allan bago nakauwi. Sinuong ni Allan ang pagod at puyat sa mahabang byahe na inabot ng halos tatlong araw. Malaking oras ang ginunugol nya sa paghihintay sa loob ng mga airport ng Armenia, UAE at Singapore.

Ganito rin ang nangyari sa isang stranded Pinoy executive sa Dubai na nakapanayaman ng The Filipino Times.

Aniya, sa loob ng 50 araw na pagkakastranded nya doon, bumibilang na ng mahigit isang milyong piso ang kanyang gastos. Katumbas na ito ng halaga ng isang bagong sasakyan.

Malaki ang pasasalamat ni Allan dahil nag-bayanihan ang mga miyembro ng IIEE. Gayunman, batid nyang maraming stranded na Pinoy sa UAE ang umaaray na dahil sa laki ng gastos sa visa fines.

Para sa mga returning overseas Filipinos (hindi OFW), hindi sagot ng pamahalaan ang swab test na aabot sa PHP3,500 hanggang PHP4,000. Sa sariling bulsa rin nila huhugutin ang bayad sa hotel quarantine facility.

Sa kaso ni Allan, gagastos sya ng PHP2,000 kada araw o PHP30,000 para sa kanyang 15-day quarantine.

Mark Nituma

Mark Nituma is a skilled journalist whose career is defined by his unwavering dedication to storytelling and his passion for uncovering the untold stories. After graduating from the University of the Philippines Diliman, Mark began his journey in the media industry as a researcher for the internationally-awarded TV magazine show Kapuso Mo, Jessica Soho, before eventually becoming a producer. Over the years, Mark's journalism career has taken him to some of the most beautiful and least visited places in the Philippines. His ability to capture unique perspectives on life in diverse communities is truly remarkable and has enabled him to rise through the ranks. Today, as the editorial director of TFT, Mark plays a critical role in ensuring that the publication upholds the highest standards of journalistic integrity. His leadership and dedication have helped to shape TFT into one of the leading sources of news and information for Filipinos in the UAE and the Middle East. If you have a story to pitch or simply want to connect, you can reach him at [email protected].

Related Articles

Back to top button